Каташ-Каранда Мәбсүсә апа Гәрәевага 90 яшь тулды

18 февральдә Каташ-Каран авылында гомер кичерүче Гәрәева Мәбсүсә Миңнегали кызына 90 яшь тулды. Аны котларга муниципаль район Советы аппараты җитәкчесе Фәндәс Вәлиев барды, якыннары-туганнары килде.

Мәбсүсә апа Азалак авылында туган. 1954 елда Каташ-Каран авылы егетенә кияүгә чыга. Ире - Бөек Ватан сугышы ветераны. Күмәк хуҗалыкта төрле эшләрдә эшләп, пенсиягә чыга. 4 баласы, 8 оныгы, 13 оныкчыгы бар. 2012 елда, сугыш ветеранының тол хатыны буларак, Яр Чаллы шәһәреннән фатир алган.