Слайдер

Кайчандыр Сарман районына кергән бу авылда легендар җырчыбыз Илһам Шакиров туган. 14 сентябрь көнне, якташыбызга багышлап, аның туган авылында зур чара үтте. Анда район Башкарма комитеты җитәкчесе урынбасары Индира Сәхипова җитәкчелегендә район делегациясе дә катнашты. Чара кысаларында бик күп кунаклар чакырулы иде. Алар “Илһам чишмәсе”ндә, җырчының музеенда булдылар. Бу көнне авылга Казаннан бик күп җырчылар да килде – Рәшит Ваһапов исемендәге фестиваль узды.

Ул Сарман урта мәктәбе базасында эшләп килүче “Олимпия өметләре” балалар сәламәтләндерү лагеренең профиль сменасында булды, аның эшчәнлеге, балаларның яшәү, ял һәм туклану шартлары белән танышты. Аерым алганда, балалар яши торган бүлмәләрне, спортзалны карады, ашханәдә булды, продуктлар белән тәэмин ителеш, аларның сакланышы, меню һәм башка документлар белән танышты. Шәфкать туташы бүлмәсендә булып, балаларның иминлеге һәм сәламәтлегенә кагылышлы мәсьәләләр белән кызыксынды.

Сарманлылар район үзәгендәге Ял паркында Гаилә, мәхәббәт һәм тугрылык көнен билгеләп үттеләр. Аларны бәйрәм белән район башлыгы Фәрит Хөснуллин тәбрикләде, барлык гаиләләргә сәламәтлек, ныклык, иминлек һәм бәхет теләде. Ул шулай ук Сарманда 55 ел бергә тату һәм матур гомер кичергән, итагатьле өч бала тәрбияләп үстергән Әзһәт һәм Гөлнур Хөснуллиннарга “Мәхәббәт һәм тугрылык өчен” медален тапшырды.

Казанда 22-27 август көннәрендә узачак 45 нче WorldSkills Эшче һөнәрләр дөнья чемпионаты флагының Сарманга килүенең шушы көнгә туры килүе исә райондашлар өчен – олы куаныч. “WorldSkills флагы эстафетасы” проектына 2017 елның 21 октябрендә Сочида XIX Бөтендөнья яшьләр һәм студентлар фестивалендә старт бирелгән иде. Флаг хәтта Халыкара космик станциядә дә булып кайтты. 2018 елның 12 мартында Эстафетаның халыкара этабы старт алды – флаг Дөнья чемпионатын үзендә кабул иткән илләр буйлап сәяхәткә китте. Ә аның Россия этабы 2018 елның августында Көньяк Сахалинда узган “Яшь профессионаллар (Ворлдскиллс Россия)” Милли чемпионаты финалы барышында башланды. Ул барлык федераль округларның үзәкләре һәм эре предприятиеләр урнашкан регионнар, шул ук вактытта Татарстанның барлык районнары аша уза. Алабуга районыннан флаг бүген Сарманга килеп җитте. Аны, Чемпионат талисманнарын халык үзәк ял паркында көчле алкышлар белән каршы алды. Шулай булмый мөмкин дә түгел, чөнки Сарманның үзендә авыл хуҗалыгы белгечләрен әзерләү буенча ресурс үзәге булган аграр көллият бар һәм анда көндәшлеккә сәләтле студентлар белем ала. WorldSkills флагын йөртү хокукы да көллият студентларына – Ростов өлкәсендә узган “Яшь профессионаллар (Ворлдскиллс Россия)” милли чемпионтаның “Авыл хуҗалыгы машиналарын эксплуатацияләү” компетенциясендә җиңү яулаган Азат Тимербаев һәм аграр юнәлештә белем бирүче оешмалар арасында үткәрелгән Бөтенроссия һөнәри осталык олимпадасы җиңүчесе Булат Хәлиуллинга бирелде. Кунакларны сәламләп, муниципаль район башлыгы Фәрит Хөснуллин республикада эшче һөнәрләрнең дәрәҗәсен күтәрү өчен күп эшләнүен, безнең аграр көллияттә дә барлык мөмкинлекләр булуын билгеләп үтте. “Без – бүген языла торган тарихның бер кисәге. Чемпионат әйбәт үтсен, республика командасы анда уңышлы чыгыш ясасын”, - диде ул. Флаг почетлы кунакларның һәркайсының кулыннан үтте, ә Фәрит Мөнәвирович аңа район гербын беркетте.

Район үзәгендәге ял паркында чик сакчылары узган ел һәйкәл куйганнар иде. Быел да шул истәлекле урынга җыелып, алар бәйрәмнәрен билгеләп үттеләр. Тантанада катнашучыларны район Башкарма комитеты җитәкчесе Әлфис Мөхәммәтгәрәев тәбрикләде, изге теләкләрен җиткерде. Аларның аеруча активларына медальләр, Рәхмәт хатлары тапшырылды. Бүгенге көндә районда чик буе гаскәрләрендә хезмәт иткән 291 ир-егет яши.

Сарманлылар Бөек Җиңү көнен бәйрәм иттеләр.

Мәктәп директоры Римма Әхмәтбаева кунакларны сәламләгәннән соң, “Имтиханнарга ничек әзерләнергә?” дигән түгәрәк өстәл үткәрелде. Сүз шушы мәктәпнең узган еллар чыгарылыш укучыларына бирелде. Иске Кәшер мәктәбен тәмамлаган, рус теленнән 100 балл җыйган Рузилә Госманова, 92 балл җыйган Булат Гарифуллин, 87 балл җыйган Эльза Гыйләҗиева, 85 балл җыйган Айнур Корбыев имтиханнарга ничек әзерләнүләре турында сөйләделәр, очрашуда катнашучы 9-11 сыйныф укучыларына киңәшләрен бирделәр. Соңыннан укучылар, төркемнәргә бүленеп, “Максатка ирешү юлы” дигән темага проектлар эшләделәр, аны якладылар, ә укытучылар өчен “Хәзерге көн мәктәбендә укытучы лидер буларак” дигән темага мастер-класс уздырылды. “Курку төрләре һәм аларны җиңү” дигән темага үткәрелгән психологик тренинг укучылар өчен аеруча кызыклы булды. Чарада район Башкарма комитеты җитәкчесе урынбасары Индира Сәхипова, мәгариф бүлеге җитәкчесе Әлфәт Сабиров, Иске Кәшер авыл җирлеге башлыгы Раян Дәүләтҗанов, авыл җирлеге депутаты, укытучы Фәрит Салихов катнаштылар. Зөлфия Шәрипова язмасы һәм фотолары.

Сарман муниципаль район Советының XX утырышы булды. Аның эшендә Татарстан Республикасы Премьер-министры урынбасары Васил Шәхразыев, Татарстан Республикасы Дәүләт Советының икътисад, инвестицияләр һәм эшкуарлык комитеты рәисе Марат Галеев, Татарстан Республикасының Суд департаменты идарәсе җитәкчесе Җәүдәт Салихов, Татарстан Президенты Аппараты, Дәүләт Советы, Министрлар Кабинеты, “Агрокөч төркеме” җәмгыяте вәкилләре катнаштылар. Утырышның көн тәртибенә карауга бер – Сарман муниципаль районының 2018 елда социаль-икътисади үсеше йомгаклары һәм 2019 елга бурычлар турындагы мәсьәлә кертелгән иде. Аның буенча доклад белән муниципаль район башлыгы Фәрит Хөснуллин чыкты. Фикер алышуларда “Җәлилнефть” идарәсе начальнигы Малик Каюмов, Ләке авыл җирлеге башлыгы Лилия Шәрипова, Сарман аграр көллияте студенты Азат Тимербаев катнаштылар.

Аның эшендә муниципаль район башлыгы Фәрит Хөснуллин катнашты һәм чыгыш ясады. Район ветераннар советы һәм инвалидлар җәмгыяте рәисе Нәҗип Миңнеголов узган елда башкарылган эшләрне анализлады, киләчәккә планнары белән уртаклашты. Икенче көн тәртибе буенча советның ревизион комиссиясе члены Гөлүсә Ганиуллина чыгышы тыңланды. Ветераннар хәрәкәте катнашында үткән милли-мәдәни, спорт чаралары хакында Нурсинә Хәйруллина сөйләде. Сарман, Кәүҗияк, Җәлил бистәсе ветераннар советлары рәисләре Софья Әхмәдуллина, Фәүзимә Шакирова, Әнисә Минһаҗева үз җирлекләрендә ветераннар белән башкарылган эшләргә тукталдылар, киңәш-тәкъдимнәрен җиткерделәр, район җитәкчелегенә рәхмәт сүзләрен әйттеләр.

Аның эшендә ТР Дәүләт Советы рәисе Фәрит Мөхәммәтшин, Премьер-министр урынбасары – авыл хуҗалыгы һәм азык-төлек министры Марат Әхмәтов, муниципаль берәмлекләр советы ассоциациясе рәисе Экзам Гобәйдуллин, муниципаль район башлыгы Фәрит Хөснуллин, Министрлар Кабинеты вәкилләре, ундүрт муниципаль районның башлыклары, авыл хуҗалыгы, кооперация өлкәсе хезмәткәрләре, фермерлар катнашты.

Район үзәгенең “Сарман” кинотеатрында сарманлылар телевидение һәм кино режиссеры, сценарийлар авторы, Татарстанның атказанган артисты, Татарстанның атказанган сәнгать эшлеклесе Нурания Җамали, язучы, шагыйрә, продюсер Равилә Шәйдуллина, актриса һәм продюсер Миләүшә Сәләхетдинова белән очраштылар. Республикабызның сәнгать һәм әдәбият әһелләре үзләренең иҗатлары, киләчәккә планнары белән таныштырдылар, тамашачыларның күп санлы сорауларына җаваплар бирделәр. Сарманлылар шунда ук Равилә Шәйдуллина әсәре буенча Нурания Җамали куйган “Үксезләр” фильмын карадылар.

Алар ТР Авыл хуҗалыгы һәм азык-төлек министрлыгының агросәнәгать комплексы предприятиеләре арасында конкурс оештыру турындагы 259/2-пр санлы боерыгы нигезендә башкарылды. Районда «Агрокөч төркеме» җәмгыятенең механикалаштыру бүлеге начальнигы Фәрит Хәкимов рәислегендәге комиссия эшләде. Конкурсның бәяләү нигезләмәсе буенча комиссия бөртек комбайннарының, азык әзерләү техникаларының, чәчү комплексларының, туфрак эшкәртү техникасының, тагылма коралларның саклауга куелышын, машина-трактор паркларының торышын, технологик документларны һәм ремонт барышын аерым-аерым бәяләде. Хезмәтне саклау һәм хезмәткә түләү шартлары да исәпкә алынды. 70 мөмкинлектән 70 балл җыеп, «Нөркәй» агрофирмасы беренче урынны алды. 69ар балл җыйган «Җәлил» һәм «Сарман» агрофирмалары – икенче, «Туган як» агрофирмасының Саклаубаш бүлекчәе 68 балл белән өченче булдылар. Энҗимә Габдрәхимова тексты һәм фотолары.

Анда 7 районнан үзешчәннәр катнашты. Вокал, хореография, нәфис сүз өлкәсендә алар үз көчләрен сынадылар. Катнашучыларга дипломнар бирелде. Зона турыннан үтүчеләр Гала— концертта чыгыш ясаячаклар.

Район мәктәпләренең 7-9 сыйныф укучылары мәшгульлек үзәге тарафыннан үткәрелгән “Һөнәргә бер адым” проекты кысаларында район оешмаларында – электр челтәре предприятиесе, “Сарман ите” комбинатында, минераль су заводында, аграр көллиятнең уку, укыту-производство үзәкләрендә булдылар һәм аларның эшчәнлеге, төрле һөнәрләр белән таныштылар. Соңыннан “Сарман” кинотеатрында проектка йомгак ясалды, рәсем конкурсында катнашучы балалар арасында җиңүчеләр билгеләнде. Аларны район мәшгульлек үзәге җитәкчесе Гөлнара Хәйбрахманова, социаль яклау бүлеге начальнигы Лилия Гыйльметдинова, “Шәфкать” үзәгенең гаилә һәм балаларга ярдәм бүлеге җитәкчесе Ләлә Насыйбуллина тәбрикләделәр һәм истәлекле бүләкләр тапшырдылар.

100 еллык тарихы булган районның чик сакчылары хөрмәтенә ясалган стелла ачу тантанасына 300 гә якын чик буе гаскәрләрендә хезмәт иткән ир - егетләр чакырылган иде. Сарман районы башлыгы Фәрит Хөснуллин, Сарман һәм Мөслим районнары хәрби комиссары Дажгын Гасанов, Татарстан Республикасы куркынычсызлык хезмәтенең Зәй бүлеге җитәкчесе Раил Гарифуллин, Әлмәт шәһәренең чик буе сакчылары берләшмәсе җитәкчесе Сергей Евлеев котлау сүзләрен җиткерделәр, егетләргә рәхмәт хатлары, медальләр тапшырдылар.