Снюс белән кайда сату итәләр? Яки Яңа законга кул куелды
Татарстан буенча “Роспотребнадзор” идарәсе республика халкыннан снюс белән сату итү урыннары турында хәбәр итүләрен үтенә.
Бу уңайдан 26 декабрьдә “кайнар линия” дә ачылды.
- Бүген безгә снюс сату урыннарын ачыклау буенча халыкның ярдәме кирәк. Без тиз арада тикшерү үткәрә һәм бу продукцияне сатудан ала алыр идек. Безнең бурыч – бу продукцияне республика территориясендә балалар кышкы каникуллардан чыгуга сатудан тулысынча алып бетерү, - ди республиканың баш санитар табибы.
25 декабрьдә Татарстан Президенты Рөстәм Миңнеханов 18 яшьтән кечерәк яшүсмерләргә һәм балаларга никотинлы продукцияне сатуны тыю турындагы законга кул куйды. Гамәлдә булган шушындый законга төзәтмәләр һәм өстәмәләр федераль дәрәҗәдә дә әзерләнә.
Следите за самым важным и интересным в Telegram-каналеТатмедиа
Нет комментариев