Районда "Автобус" операциясе башланды

Пассажир транспорты катнашында юл-транспорт һәлакәтләре юлларда булып тора. Мисал өчен, Республика территориясендә автобус шоферлары гаебе белән дүрт ай эчендә илле юл һәлакәте булган, аларда сигез кешенең гомере өзелгән, 69 кеше төрле тән җәрәхәтләре алганнар. Мондый һәлакәтләрне булдырмау максатыннан 1 июньнән 20 июньгә кадәр "Автобус" профилактик чарасы уздырыла. Аның барышында район территориясендә пассажирлар йөртүне оештыру тикшереләчәк, аеруча шәһәрара һәм заказ буенча йөртуче, шулай ук эксплуатация вакыты ун елдан артып киткән автобуслар аерым игътибар астында булачаклар.