ЮХИДИ үткәргән бәйгедә

Республика ЮХИДИ идарәсе юл иминлеген пропагандалауга багышланган бәйгеләрне ел дәвамында үткәреп тора. ЮХИДИ хезмәткәрләре һәм аларның гаилә әгъзалары арасында үтә торган иҗади сәнгать смотры да - ел саен үткәрелүче традицион бәйге. Ул өч номинациядә - бию, вокал һәм оригиналь жанр номинацияләрендә балалар һәм зурлар арасында үтә. Быел конкурсның республика этабында Сарман гимназиясенең 2 нче сыйныфына баручы Ситдыйкова Алина «Оригиналь жанр» номинациясендә балалар арасында 1 нче урынны яулады һәм I дәрәҗә Диплом һәм кыйммәтле бүләк белән бүләкләнде. Бүләкләү тантанасы республика ЮХИДИ идарәсенең концертлар залында узды.