Мошенниклар Сарман районында да йөри башлаганнар

Игътибар! Хәзерге вакытта шалтыратып, фатирдагы, йорттагы суның сыйфатын тикшерү өчен анализ ясарга тәкъдим итүчеләр барлыкка килде. Ризалашмагыз! Фильтрны куйгач, суны эчеп карарга кушалар (аңа алар клофелин кушалар), кеше аңын җуйгач, фатирдан бар булган әйберне алып чыгып китәләр. Мондый "белгечләр" Сарман районында да күренә башлаганнар, сак булыгыз!

Район җитәкчелегеннән суның сыйфатын тикшерү өчен анализ ясау чаралары үткәрү карары юк. Әгәр сезнең йортка шундый тәкъдим итүчеләр килсәләр, алардан таныклык сорагыз.