"Иганә" ансамбле артистлары сайлауга төркем белән килделәр

Күп кенә сәнгать бәйгеләре лауреаты, призеры җирлектә үткән һәр чарада актив катнаша. Россия Президентын сайлауларында да алар бергәләшеп катнаштылар. Милли костюмнардан килеп, киләчәк язмышлары өчен тавыш бирделәр, җыр-биюләре белән авылдашларына музыкаль бүләк ясадылар. Ансамбльнең яшь солисты Лиана Антонова сайлауларда быел беренче тапкыр катнашты. 
- Үз тавышымны биреп, киләчәгебезне билгеләүгә өлеш кертә алуыма мин бик шат, - ди ул.