Язучылар берлеге рәисе “Казан” аэропортына Тукай исеме бирелергә тиеш дип саный

“Татар яши торган җирнең аэропортына бөтен милләтләр хөрмәт иткән Тукай исемен кушарга тиешбез”, - диде Данил Салихов.

Татарстан Республикасы Язучылар берлеге рәисе Данил Салихов “Татар-информ” агентлыгы хәбәрчесенә “Казан” аэропортына ни өчен Габдулла Тукай исеме бирелергә тиешлеген аңлатты.

“Тукай ул – безнең Татарстанның, аның халкының символы. Борынгы бабаларыбыз, татарлар яшәүче җирне аңлата торган, әдәбиятыбыз, мәдәниятебез, телебез, динебез, гореф-гадәтебезне дә ачып бирә торган исем ул. Бу җирдә кем яши дигәндә, “Тукай балалары, татар балалары яши” дигән сүзне кайтара торган исем”, - диде Данил Салихов.

Ул Тукай исемендәге дәүләт премияләре дә булуын искәртте. “Дөресен генә әйткәндә, татарлар яши торган җирнең аэропортында халык хөрмәт итә торган олуг шәхес булырга тиеш. Тукайны бит төрки халыклар гына түгел, бөтен милләтләр дә хөрмәт итә, шуңа күрә без Тукай исемен кушарга тиешбез”, - диде.

 "Казан" аэропортына билгеле шәхес исемен бирү буенча тавыш бирү великиеимена.рф. сайтында 30 ноябрьгә кадәр дәвам итә. Финалга Габдулла Тукай, Муса Җәлил, Андрей Туполев исемнәре чыккан.

Фото: архив/Рамиль Гали

Бу хакта тулырак: https://tatar-inform.tatar/news/2018/11/13/175067/

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 6 ноябрь 2021 - 18:50
    Яхшыбай үзешчәннәре "Надежда" җырын ике телдә башкардылар
  • 3 ноябрь 2021 - 10:10
    “Дус яшик бергәләп”, - диләр сандугачлылар
  • Район поликлиникасында төзекләндерү эшләре ахырына якынлаша
  • Сарманлылар нефтьчеләрнең иҗтимагый советы эшендә катнаштылар
  • Сарманда ярминкә гөрли
  • Сарманлылар Гаилә көнен бәйрәм иттеләр
  • Сарман районы Урта Әләзән Сабан туенда Татарстанны тәкъдир итте
  • Ретро машиналар парады ветераннарны сугышчан яшьлекләренә алып кайтты
  • Бөек Җиңүгә багышланган парадны район халкы горурланып карады
  • Сарман халкы Бөек Җиңү бәйрәмен бердәм булып каршы алды
  • Сарманда “Нәүрүз” гөрләде
  • Әзһәр аганың яңа китабы тәкъдир ителде