WorldSkills көннәрендә "Казан Арена" янында машиналарны калдыру тыела

Шәхси автомобильләрне якын-тирәдәге Чистай, Нигъмәтуллин һәм Адоратский урамнарында да парковкага куеп булмаячак.

WorldSkills стандартлары буенча эшче һөнәрләр чемпионатын ачу һәм ябу тантаналары узган көнне "Казан Арена" стадионы янында шәхси машиналарны калдырып булмаячак. Шулай ук бу чикләүләр Нигъмәтуллин һәм Адоратский урамнарына, Чистай урамындагы өстәмә юлларга да кагыла.

Бу урамнарда хәрәкәт тыелганын күрсәткән юл билгеләре урнаштырыла. Казанның Башкарма комитеты автомобиль хуҗаларына юл билгеләренә, мәгълүмати күрсәткечләргә игътибар итәргә киңәш итә.

Чемпионат узган көннәрдә казанлылар һәм башкала кунаклары машиналарын "Казан Арена"га якын парковкаларда калдыра ала. Мәсәлән, "Леруа Мерлен",  "XL", "Мегастрой", "Ривьера" сәүдә үзәкләре, "Ак барс" көрәш сарае янында һәм "Татнефть Арена" паркингында. "Кәҗә бистәсе" метро станциясеннән "XL" сәүдә үзәгенә кадәр 16.00-24.00 сәгатьләрдә һәр 5 минут саен бушлай "шаттллар" йөреп торачак.

Чемпионатны ачу һәм ябу тантаналары үткәрелгән көннәрдә Казанда 14 юл участогында хәрәкәт ябылачагы хәбәр ителгән иде инде. 

Эш режимы күрсәтелгән җәмәгать транспортлары маршрутлары, хәрәкәт итүче составның саны һәм хәрәкәт аралыгы турында мәгълүмат kazantransport.ru сайтында һәм “Яндекс.Транспорт” кушымтасында урнаштырылган.

Бу хакта тулырак: https://tatar-inform.tatar/news/2019/08/20/191859/

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 6 ноябрь 2021 - 18:50
    Яхшыбай үзешчәннәре "Надежда" җырын ике телдә башкардылар
  • 3 ноябрь 2021 - 10:10
    “Дус яшик бергәләп”, - диләр сандугачлылар
  • Район поликлиникасында төзекләндерү эшләре ахырына якынлаша
  • Сарманлылар нефтьчеләрнең иҗтимагый советы эшендә катнаштылар
  • Сарманда ярминкә гөрли
  • Сарманлылар Гаилә көнен бәйрәм иттеләр
  • Сарман районы Урта Әләзән Сабан туенда Татарстанны тәкъдир итте
  • Ретро машиналар парады ветераннарны сугышчан яшьлекләренә алып кайтты
  • Бөек Җиңүгә багышланган парадны район халкы горурланып карады
  • Сарман халкы Бөек Җиңү бәйрәмен бердәм булып каршы алды
  • Сарманда “Нәүрүз” гөрләде
  • Әзһәр аганың яңа китабы тәкъдир ителде