Татарстанлылар «Зур этнографик диктант» Бөтенроссия акциясенә кушыла

Казанда Татарстан халыкларының Дуслык йортында диктант язып булачак.

Татарстанда Халыклар бердәмлеге көне алдыннан, 2 ноябрьдә, «Зур этнографик диктант» Бөтенроссия акциясе узачак. Бу хакта чараны оештыручылар хәбәр итә.

Акция Россиянең барлык төбәкләрендә дә оештырыла. Татарстан халыкларының Дуслык йорты Казанда чараны үткәрү урыннарыннан берсе булачак. Диктант язуда Россиядә яшәүчеләр һәм рус телен белүче чит ил гражданнары катнаша ала. Аларның белеме, нинди дин тотуы, гражданлыгы һәм яше мөһим түгел.

Диктант биремнәре утыз сораудан тора.  Егерме сорау барысы өчен дә уртак булса, унысы федерациянең һәр субъекты өчен уникаль булачак. Диктантны язу өчен 45 минут вакыт бирелә. Барлык биремнәрне үтәгән өчен максималь утыз балл бирелергә мөмкин.

Шулай ук "Зур этнографик диктант" сайтында (www.miretno.ru) онлайн-тест узу оештырылачак.

Әлеге киң колачлы акция инде өченче ел рәттән үткәрелә. Узган елда чара халыкара статус алган – акциягә Кыргызстан, Молдова, Таҗикстан һ.б. илләр кушылган.

Узган елда диктантны Россия һәм чит илләрдә оештырылган 2600 мәйданчыкта 367 мең кеше язган. Татарстанда акциядә 1405 кеше катнашкан. Чара үтәчәк барлык мәйданчыклар белән диктантның сайтында танышырга мөмкин.

 

Бу хакта тулырак: https://tatar-inform.tatar/news/2018/10/29/174254/

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 20 сентябрь 2021 - 11:52
    Сарманда ярминкә гөрләде
  • 6 сентябрь 2021 - 14:52
    Яңа Саклауда һәйкәл ачтылар
  • Көзге депрессия белән ничек көрәшәсез?
    1 кеше тавыш бирде
  • Сарманлылар нефтьчеләрнең иҗтимагый советы эшендә катнаштылар
  • Сарманда ярминкә гөрли
  • Сарманлылар Гаилә көнен бәйрәм иттеләр
  • Сарман районы Урта Әләзән Сабан туенда Татарстанны тәкъдир итте
  • Ретро машиналар парады ветераннарны сугышчан яшьлекләренә алып кайтты
  • Бөек Җиңүгә багышланган парадны район халкы горурланып карады
  • Сарман халкы Бөек Җиңү бәйрәмен бердәм булып каршы алды
  • Сарманда “Нәүрүз” гөрләде
  • Әзһәр аганың яңа китабы тәкъдир ителде
  • Мор өстендә картингчылар ярыша