Татарстанда «Мобиль сайлаучы» механизмыннан бер атна эчендә 39 кеше файдаланган

Гаризаны Күпфункцияле үзәк, дәүләт хезмәтләре порталы, территориаль сайлау комиссиясе яки участок сайлау комиссиясе аша тапшырырга мөмкин.

24 июльдән Татарстанда яшәүче 39 кеше «Мобиль сайлаучы» механизмыннан файдалану өчен гариза тапшырган. Әлеге хезмәт татарстанлыларга, теркәлү урыны кайда булуга да карамастан, үзләре өчен уңайлы участокта сайларга мөмкинлек бирә. Бу хакта «Татар-информ» агентлыгына ТР Үзәк сайлау комиссиясенең матбугат хезмәтеннән хәбәр иттеләр.

«30 июльгә булган мәгълүматлар буенча, территориаль сайлау комиссиясенә – 9, Күпфункцияле үзәк аша 30 гариза тапшырылган», - диелә хәбәрдә.

Теләгән һәркем 4 сентябрьгә кадәр теләсә кайсы территориаль сайлау комиссиясенә (республикада алар барлыгы – 65) гариза белән мөрәҗәгать итә ала. Шулай ук республикадагы 56 Күпфункцияле үзәктә гариза язарга яки дәүләт хезмәтләре порталында онлайн-сервистан файдаланырга була.

2019 елның 28 августыннан 4 сентябрьгә кадәр теләсә кайсы участок сайлау комиссиясендә (республикада алар барлыгы – 2811) гариза бирергә мөмкин.

«Мобиль сайлаучы» механизмы Татарстанда 2018 елда РФ Президентын сайлау вакытында кулланылды. Ул чагында 115 меңнән артык кеше үзләре өчен уңайлы участокны сайлау мөмкинлегеннән файдаланды, аларның 70 проценттан артыгы сайлау участокларына килде.

Фото: архив

Бу хакта тулырак: https://tatar-inform.tatar/news/2019/08/01/190785/

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 6 ноябрь 2021 - 18:50
    Яхшыбай үзешчәннәре "Надежда" җырын ике телдә башкардылар
  • 3 ноябрь 2021 - 10:10
    “Дус яшик бергәләп”, - диләр сандугачлылар
  • Район поликлиникасында төзекләндерү эшләре ахырына якынлаша
  • Сарманлылар нефтьчеләрнең иҗтимагый советы эшендә катнаштылар
  • Сарманда ярминкә гөрли
  • Сарманлылар Гаилә көнен бәйрәм иттеләр
  • Сарман районы Урта Әләзән Сабан туенда Татарстанны тәкъдир итте
  • Ретро машиналар парады ветераннарны сугышчан яшьлекләренә алып кайтты
  • Бөек Җиңүгә багышланган парадны район халкы горурланып карады
  • Сарман халкы Бөек Җиңү бәйрәмен бердәм булып каршы алды
  • Сарманда “Нәүрүз” гөрләде
  • Әзһәр аганың яңа китабы тәкъдир ителде