Татарстанда Малазияның Джохор штаты солтаны килүен көтәләр

Рөстәм Миңнеханов Ибраһим Исмаил әфәнде белән Малазиягә эш сәфәре вакытында очрашкан һәм аны Татарстанга чакырган.

Татарстан хөкүмәте Малазиянең Джохор штаты солтаны Ибраһим Исмаил әфәнденең килүен көтә. Бу хакта “Татар-информ”га биргән интервьюсында Татарстан Республикасы Мәгълүматлаштыру һәм элемтә министры Роман Шәйхетдинов сөйләде.

“Татарстан Президентының Джохор штаты солтаны Ибраһим Исмаил әфәнде белән очрашуы югары дәрәҗәдә узды. Ул актив тормыш позициясенә ия, король гаиләсеннән булган кеше. Без солтан җитәкчелегендәге делегация Татарстан Республикасына эш сәфәре белән килер дип өметләнәбез”, - диде министр. Һәм Джохо штаты солтанының Татарстанга килү датасы ачыклана, дип әйтте.

Татарстан Президенты Рөстәм Миңнеханов Ибраһим Исмаил әфәнде белән сентябрь уртасында Малазиягә эш сәфәре белән баргач очрашкан. Татарстан Президенты Малазия штаты делегациясен “Россия – ислам дөньясы” XI Халыкара икътисади саммитына, ә солтанны үзе өчен уңайлы булган вакытка чакырды. Саммит 2019 елның апрель аенда узачак.

Хакимлек итүче солтан Ибраһим Исмаил ибн Әлмәрхүм Солтан Искәндәр Әл-Хаҗи “Джохорның 25 солтаны һәм хәзерге Джохорның 5нче солтаны” титулын йөртә. Asia Russia Daily интернет-журналы хәбәр иткәнчә, солтан мотоцикл спорты җанатары һәм штатта ел саен 1000 мең чакрым арада мотоузышлар оештыра.

 

Бу хакта тулырак: https://tatar-inform.tatar/news/2018/10/04/172799/

Фото: Фото: архив tatarstan.ru, Михаил Захаров.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 20 сентябрь 2021 - 11:52
    Сарманда ярминкә гөрләде
  • 6 сентябрь 2021 - 14:52
    Яңа Саклауда һәйкәл ачтылар
  • Көзге депрессия белән ничек көрәшәсез?
    2 кеше тавыш бирде
  • Сарманлылар нефтьчеләрнең иҗтимагый советы эшендә катнаштылар
  • Сарманда ярминкә гөрли
  • Сарманлылар Гаилә көнен бәйрәм иттеләр
  • Сарман районы Урта Әләзән Сабан туенда Татарстанны тәкъдир итте
  • Ретро машиналар парады ветераннарны сугышчан яшьлекләренә алып кайтты
  • Бөек Җиңүгә багышланган парадны район халкы горурланып карады
  • Сарман халкы Бөек Җиңү бәйрәмен бердәм булып каршы алды
  • Сарманда “Нәүрүз” гөрләде
  • Әзһәр аганың яңа китабы тәкъдир ителде
  • Мор өстендә картингчылар ярыша