Татарстанда 745 машина йөртүче тимер юл кичүләрендә кагыйдә бозган өчен җавапка тартылган

Республика Дәүләт автоинспекциясе машина йөртүчеләрне тимер юл кичүләрендә аеруча игътибарлы булырга чакыра.

Татарстанда ел башыннан 745 машина йөртүчене тимер юл кичүләрендә юл хәрәкәте кагыйдәләрен бозган өчен штрафка тартканнар. Юл хәрәкәте кагыйдәләрен бозучыларның күпчелеге фото-видеотеркәү системасы ярдәмендә ачыкланган. Бу хакта республика Дәүләт автоинспекциясендә хәбәр иттеләр.

Татарстанда быел тугыз ай эчендә тимер юл кичүләрендә ике һәлакәт булган, дүрт кеше үлгән. Бер кеше төрле имгәнүләр алган.

Алдан “Татар-информ” Буа районында июль уртасында үлем очрагы белән булган һәлакәт турында хәбәр иткән иде. “Тугызлы” машинасын йөртүче светофорның тыючы сигналына игътибар итмичә, якынлашып килгән поезд алдыннан тиз генә чыгып китмәкче булган. Шулай итеп, пассажир поезды җиңел машинаны сытып үткән дияргә була. Машина йөртүче һәм өч пассажир фаҗига корбаннары булган.

Республика Дәүләт автоинспекциясе тимер юл кичүләренең куркыныч югары булган объектлар икәнлеген һәм алар аркылы чыкканда аеруча игътибарлы һәм сак булырга кирәклеген искәртә.

Тимер юл кичүләрендә юл хәрәкәте кагыйдәләрен бозган өчен штраф яисә өчтән алып алты айга кадәр автомобиль белән идарә итү таныклыгыннан мәхрүм итү каралган. Яңадан кагыйдәләрне бозганда, машина йөртүче автомобиль белән идарә итү таныклыгыннан бер елга кадәр мәхрүм ителергә мөмкин.

Мәгълүмат «Татар-информ»нан алынды.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 20 сентябрь 2021 - 11:52
    Сарманда ярминкә гөрләде
  • 6 сентябрь 2021 - 14:52
    Яңа Саклауда һәйкәл ачтылар
  • Көзге депрессия белән ничек көрәшәсез?
    2 кеше тавыш бирде
  • Сарманлылар нефтьчеләрнең иҗтимагый советы эшендә катнаштылар
  • Сарманда ярминкә гөрли
  • Сарманлылар Гаилә көнен бәйрәм иттеләр
  • Сарман районы Урта Әләзән Сабан туенда Татарстанны тәкъдир итте
  • Ретро машиналар парады ветераннарны сугышчан яшьлекләренә алып кайтты
  • Бөек Җиңүгә багышланган парадны район халкы горурланып карады
  • Сарман халкы Бөек Җиңү бәйрәмен бердәм булып каршы алды
  • Сарманда “Нәүрүз” гөрләде
  • Әзһәр аганың яңа китабы тәкъдир ителде
  • Мор өстендә картингчылар ярыша