“ТАССР төзелүгә 100 ел" медален булдыру турында законга тәкъдимнәр кабул ителә

Закон проекты буенча медаль белән бүләкләнгән гражданнар пенсиягә чыккач социаль ярдәм алачак.

Татарстан халкы 13 сентябрьгә кадәр республиканың яңа дәүләт бүләге – “ТАССР төзелүгә 100 ел” медален булдыруга бәйле закон проектына тәкъдимнәр кертә ала. Документ халык белән фикер алышу өчен “Ачык Татарстан” порталында урнаштырылган. Бу хакта ТР Дәүләт Советы матбугат хезмәте хәбәр итә.

“Татарстан Республикасы дәүләт бүләкләре турында” законга үзгәрешләр кертү хакында”гы закон проекты турында сүз бара.

Закон проекты нигезендә, Татарстан дәүләтчелеген үстерүгә, аның социаль-икътисади потенциалын, милләтара һәм конфессияара татулыкны ныгытуга, мәдәни-рухи мирасны саклауга һәм арттыруга, шулай ук һөнәри һәм иҗтимагый эшчәнлектә казанышлары булган гражданнарны “ТАССР төзелүгә 100 ел” медале белән бүләкләү тәкъдим ителә.

“Закон проекты яңа дәүләт бүләген тагып йөрү кагыйдәләрен билгели: күкрәкнең сул ягында, ә гражданинның башка орден-медальләре булса, “Ана даны – Материнская слава” медаленнән соң куелырга тиеш”, - диделәр матбугат хезмәтендә.

Әлеге медаль белән бүләкләнгән гражданинга пенсиягә чыккач социаль ярдәм чаралары күрсәтеләчәк.

2020 елда Татар Автономияле Совет Социалистик Республикасы оешуга 100 тулачак.

Бу хакта тулырак: https://tatar-inform.tatar/news/2019/09/09/193222/

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 9 май 2021 - 14:59
    Вәзирә ханым бәйрәмдә әнисен искә алды
  • 9 май 2021 - 12:44
    Бөек Җиңүгә багышланган парадны район халкы горурланып карады
  • Сез чүп-чарны сортларга бүләсезме? .
    10 кеше тавыш бирде
  • Ретро машиналар парады ветераннарны сугышчан яшьлекләренә алып кайтты
  • Бөек Җиңүгә багышланган парадны район халкы горурланып карады
  • Сарман халкы Бөек Җиңү бәйрәмен бердәм булып каршы алды
  • Сарманда “Нәүрүз” гөрләде
  • Әзһәр аганың яңа китабы тәкъдир ителде
  • Мор өстендә картингчылар ярыша
  • Сарманда ярминкә гөрләде
  • Автомобиль йөртүче әбиләр һәм бабайлар ярыштылар
  • 9 май. Сарманда ветераннарны котлау
  • "Әниләр һәм бәбиләр” Сарман сәхнәсен гөрләтте