Р.Миңнеханов Путинга һәм Назарбаевка Татарстанның туристлык мөмкинлекләре хакында сөйләде

Татарстан Президенты дәүләт башлыкларына Болгар шәһәрендә төзелгән «Кол Гали» кунакханәсе комплексы буйлап виртуаль экскурсия үткәрде.

Татарстан Президенты Рөстәм Миңнеханов Россия һәм Казахстанның рәсми кешеләренә Татарстанның туристлык мөмкинлекләре буенча презентация үткәрде. Ул республиканың төп туристлык үзәкләре турында сөйләде. Бу турыда «Татар-информ»га республика башлыгы матбугат хезмәтендә хәбәр иттеләр.

Рөстәм Миңнеханов Россия Президенты Владимир Путинга һәм Казахстан Президент Нурсолтан Назарбаевка Зөя утрау-шәһәрчегендә һәм борынгы Болгарда, шулай ук Кама Тамагында, Чистайда, Алабугада, Чаллыда оештырылган туристлык кластерлары турында сөйләгән.

Татарстан Президенты Владимир Путин һәм Нурсолтан Назарбаевка Болгар шәһәрендә төзелгән «Кол Гали» кунакханәсе комплексы буйлап виртуаль экскурсия үткәргән.  Ул Татарстанның Бөек ефәк юлы коридорына керүен, аның буенча туристлык маршрутлары каралуын да әйткән.

«Кол Гали» кунакханәсе комплексының гомумит мәйданы 25 гектар. Анда теннис кортлары, ясалма күл, амфитеатр, панорамлы ябык һәм ачык бассейннар бар.

Рөстәм Миңнеханов җитәкчелегендәге Татарстан делегациясе бүген XV Россия һәм Казахстан төбәкара хезмәттәшлеге форумында катнашу өчен Казахстанга килде. Презентация Петропавловск шәһәрендә XV Россия һәм Казахстан төбәкара хезмәттәшлеге форумы кысаларында узды.

Татарстан Президентының эш графигында шулай ук «Мунаймаш» акционерлык җәмгыятендә булу каралган. Предприятие нефть табуда тирәнлектә кулланылучы штанг насослары җитештерә. Углеводород табу өлкәсендә хезмәттәшлек перспективалы юнәлешләрнең берсе булып тора. Бу хакта яклар берничә тапкыр искә алды, диелгән әлеге хәбәрдә.

Фото: пресс-служба Президента РТ

Бу хакта тулырак: https://tatar-inform.tatar/news/2018/11/09/174828/

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 6 ноябрь 2021 - 18:50
    Яхшыбай үзешчәннәре "Надежда" җырын ике телдә башкардылар
  • 3 ноябрь 2021 - 10:10
    “Дус яшик бергәләп”, - диләр сандугачлылар
  • Район поликлиникасында төзекләндерү эшләре ахырына якынлаша
  • Сарманлылар нефтьчеләрнең иҗтимагый советы эшендә катнаштылар
  • Сарманда ярминкә гөрли
  • Сарманлылар Гаилә көнен бәйрәм иттеләр
  • Сарман районы Урта Әләзән Сабан туенда Татарстанны тәкъдир итте
  • Ретро машиналар парады ветераннарны сугышчан яшьлекләренә алып кайтты
  • Бөек Җиңүгә багышланган парадны район халкы горурланып карады
  • Сарман халкы Бөек Җиңү бәйрәмен бердәм булып каршы алды
  • Сарманда “Нәүрүз” гөрләде
  • Әзһәр аганың яңа китабы тәкъдир ителде