Миңнеханов: «Бигеш» аэропортын реконструкцияләүне халык проекты итәргә кирәк

Җәмәгатьчелек һәм яшь архитекторлар Николай Лемаев исеме бирелгән аэропорт концепциясенә үз өлешен кертә алачак.

Татарстан Президенты Рөстәм Миңнеханов Николай Лемаев исеме бирелгән «Бигеш» аэропорты концепциясен төзүгә җәмәгатьчелек һәм яшь архитекторларны да җәлеп итү тәкъдиме белән чыкты. Казан Кремленең рәсми вәкиле Лилия Галимова «Татар-информ» агентлыгы хәбәрчесенең соравына шулай дип җавап бирде.

«Аэропортларга мәшһүр кешеләрнең исемнәрен бирү уңаеннан үткәрелгән бәйгедән соң «Бигеш» аэропортына реконструкция үткәрергә карар кылынды. Аның концептуаль күренешен тәкъдим иттеләр, ә Рөстәм Миңнеханов әлеге мәсьәләгә җәмәгатьчелекне дә җәлеп итәргә чакырды», - диде Галимова.

«Рөстәм Миңнеханов монда яшь архитекторларны да җәлеп итәргә кирәк дип белдерде. Без күптән түгел генә архбиеннале үткәрдек, анда студентларга үз потенциалын күрсәтү мөмкинлеге бирелде. Әлеге проектны чынлап та халыкныкы итү өчен аларның мөмкинлекләрен һәм ресурсларын җәлеп итеп булыр иде», - дип сүзен йомгаклады Галимова.

Кичә ТР Президенты «Түбән Кама Нефтехим» акционерлык җәмгыятенең беренче генераль директоры Николай Лемаевның тууына 90 ел тулуга багышланган тантаналы чараларда катнашу өчен Түбән Камага барды.

Аэропортка Лемаев исеме Россия Президенты Владимир Путин указы белән быелның май аенда бирелде. Октябрь аенда Татарстан Иҗтимагый палатасы «Бигеш» аэропортына бирелгән исем нигезендә аның бизәлешен үзгәртү вариантлары хакында фикер алышты.

 Фото: tatarstan.ru

Бу хакта тулырак: https://tatar-inform.tatar/news/2019/11/14/196933/

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 9 май 2021 - 14:59
    Вәзирә ханым бәйрәмдә әнисен искә алды
  • 9 май 2021 - 12:44
    Бөек Җиңүгә багышланган парадны район халкы горурланып карады
  • Сез чүп-чарны сортларга бүләсезме? .
    10 кеше тавыш бирде
  • Ретро машиналар парады ветераннарны сугышчан яшьлекләренә алып кайтты
  • Бөек Җиңүгә багышланган парадны район халкы горурланып карады
  • Сарман халкы Бөек Җиңү бәйрәмен бердәм булып каршы алды
  • Сарманда “Нәүрүз” гөрләде
  • Әзһәр аганың яңа китабы тәкъдир ителде
  • Мор өстендә картингчылар ярыша
  • Сарманда ярминкә гөрләде
  • Автомобиль йөртүче әбиләр һәм бабайлар ярыштылар
  • 9 май. Сарманда ветераннарны котлау
  • "Әниләр һәм бәбиләр” Сарман сәхнәсен гөрләтте