Казанда “Куркынычсыз тәгәрмәч” юл хәрәкәте яшь инспекторлары бәйгесе узачак

Финалда Россия төбәкләренең яшь инспекторлары юл хәрәкәте кагыйдәләрен, беренче медицина ярдәмен күрсәтү нигезләрен белүдә көч сынашачак.

3-10 июнь көннәрендә Казанда 38нче “Куркынычсыз тәгәрмәч” Бөтенроссия юл хәрәкәте иминлеге яшь инспекторлары бәйгесе үтәчәк. Ул Россиянең Мәгариф министрлыгы һәм Эчке эшләр министрлыгының юл хәрәкәте иминлеген тәэмин итү буенча Баш идарәсе тарафыннан оештырыла.

Бәйгедә Россиянең 85 төбәгеннән барлыгы 340 бала катнашачак. Һәр төбәкнең командасы дүрт баладан – ике малай һәм ике кыздан тора.

Казан булачак бәйге финалына балалар белән төбәкләрдән ЮХИДИ һәм белем бирү оешмаларының 170 вәкиле дә килә. Бәйгедә катнашучылар Идел буе физик культура, спорт һәм туризм академиясенең кунак йортларында урнашачак.

Бәйге шәхси зачетта дүрт станцияне үз эченә ала: “Юл хәрәкәте кагыйдәләрен белүчеләр”, “Беренче ярдәм күрсәтү нигезләрен белү”, “Автошәһәрчек” һәм “Велосипедта фигуралы йөрү”.

Команда ярышлары ике станциядә узачак: “Тормыш куркынычсызлыгы нигезләре” һәм “Бергә – юл хәрәкәтенең куркынычсызлыгы өчен” иҗади этабы.

Барлык этаплар да “Казан Экспо” Халыкара күргәзмә үзәге территориясендә үтәчәк.

Бу бәйгенең Россиякүләм этабы Татарстанда ике тапкыр оештырылган иде инде: 1986 елда һәм 2006 елда.

Фото: Татьяна Волкова рәсеме

Бу хакта тулырак: https://tatar-inform.tatar/news/2019/05/28/187034/

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 6 ноябрь 2021 - 18:50
    Яхшыбай үзешчәннәре "Надежда" җырын ике телдә башкардылар
  • 3 ноябрь 2021 - 10:10
    “Дус яшик бергәләп”, - диләр сандугачлылар
  • Район поликлиникасында төзекләндерү эшләре ахырына якынлаша
  • Сарманлылар нефтьчеләрнең иҗтимагый советы эшендә катнаштылар
  • Сарманда ярминкә гөрли
  • Сарманлылар Гаилә көнен бәйрәм иттеләр
  • Сарман районы Урта Әләзән Сабан туенда Татарстанны тәкъдир итте
  • Ретро машиналар парады ветераннарны сугышчан яшьлекләренә алып кайтты
  • Бөек Җиңүгә багышланган парадны район халкы горурланып карады
  • Сарман халкы Бөек Җиңү бәйрәмен бердәм булып каршы алды
  • Сарманда “Нәүрүз” гөрләде
  • Әзһәр аганың яңа китабы тәкъдир ителде