Госман һәм Асия Гыйниятуллиннар алтын туйларын билгеләп үтәләр

Сарманның хөрмәтле кешеләре - Госман һәм Асия Гыйниятуллиннарның бергә гаилә корып яшәүләренә - 50 ел. Аларны алтын туйлары белән район башлыгы урынбасары Гүзәл Гәрәева тәбрикләде, иң матур теләкләрен җиткерде, күп еллар Сарман халкына күрсәткән тырыш хезмәтләре өчен рәхмәт белдереп, район башлыгының Рәхмәт хатын һәм истәлекле бүләк тапшырды. Район гражданлык хәле актларын теркәү бүлеге хезмәткәре Гөлназ Исламова, ветераннар советы белгече Лилия Мәүлиева да юбилярларга иң изге теләкләрен ирештерделәр, тигезлектә тагын бик күп еллар гомер кичерүләрен теләделәр.