“Атказанмаган” Илсөяне Сарман ихластан сөя + ВИДЕО

- Билетлар көздән сатылып беткән, өстәмә килүен сорый халык, - диештеләр үзара сөйләшүчеләр.
Илсөя үзе дә аптырашта калган. Район халкына сәхнәдән рәхмәтне кабат-кабат әйтте.
- Сарманда үзенчәлекле халык яши. Алар концертларга да сайланып кына йөриләр, ихластан булса гына, кул чабалар, дигән сүзләр йөри артистлар арасында, хак икән, рәхмәт сезгә, - диде.
Чыннан да, оригиналь, зәвыклы, эчтәлекле, затлы концерт программасын тәкъдим иттеләр. Татар, башкорт, рус, якут дуслыгын берләштергән төркем тамашачыларны җырлатты да, биетте дә, елатты да.

Альбина Сабирова язмасы һәм видеосы.