Урамнарны чүпләмәсеннәр иде, - ди Зәния апа

"Сарман: иң яңа хәбәрләр", 1 декабрь 2019 - 10:58

1610

2532 нче сайлау участогына беренчеләрдән булып килүчеләр арасында Зәния апа да бар иде.

- Үзара салым акчаларын урамнарны, паркларны карап тотуга, кыш көне тротуарларны кардан чистартуга да бүләләр. Ләкин менә карны койма кырына өймәсеннәр иде. Җәй җитсә, койма яннары чүп-чар белән тула. Кайбер кибет яннарында да шушындый ук хәл күзәтелә. Үзебезнең сарманлылар ташлый бит аны. Урамнар киләсе елда да чиста, Сарманыбыз матур булсын иде, - ди ул.
Территориаль сайлау комиссиясеннән алынган мәгълүматларга караганда, 10.00 сәгатькә 933 сайлаучы, ягъни сайлаучыларның 16,6 проценты тавыш бирергә өлгергән.
Зөлфия Шәрипова язмасы һәм фотосы