Тыл ветераны Хәмит абый Хәкимов өйдә сайлады

— Аллаһы теләсә, насыйп итсен әле. Дөньялар тыныч булсын, ир-егетләребез исән-имин кайтсыннар, шуның өчен тавыш бирдем, — диде ветеран.

Карашай Саклау авылының ир-атлар арасында иң өлкән ветераны Рәсәй Президенты өчен тавышын өйдә бирде. Участок сайлау комиссиясе членнары белән бергә Хәмит абыйның хәлен белергә җирлек башлыгы Вероника Хөсниева да килде һәм, изге теләкләрен җиткереп, күчтәнәчләр бирде.