Туган көне иртәгә булгач, Фәүзия апа сайлау участогына бүген килгән

Сарман авылында яшәүче Сәримова Фәүзия Хуҗи кызының – иртәгә туган көне. Аңа 67 яшь тула. 
- Иртәгә бераз мәшәкатьле көн булыр, кунаклар да килүе ихтимал. Шуңа бүген үк гражданлык бурычыбызны үтәп куярга булдык. Сайлаулардан бер дә калмыйбыз, киләбез. Быел да үзебез лаеклы дип санаган кандидатларга тавышыбызны бирдек, - диде ул. 
Сайлау участогында Фәүзия апаны туган көне белән тәбрикләп, участок комиссиясе рәисе Гөлнара Хуҗина истәлек бүләге тапшырды.

Альбина Сабирова