Сарманда "Бердәм Россия" сәяси партиясенең халыкны мобиль кабул итү төркеме эшли

Бүген Сарман үзәгендә "Бердәм Россия" сәяси партиясенең халыкны мобиль кабул итү төркеме эшли. Әлеге проект сайлау алды агитациясе кысаларында үтә. Кинотеатр янындагы мәйданда партия активы җирле халыкның гозерләрен тыңлады, язып алды. Хәзерге сәгатьләргә барлыгы 6 мөрәҗәгать керде. 2 үтенеч кәгазендә иминият комиссияләренә кагылышлы сорау язылган. Мөрәҗәгать итүчеләр иминият полислары булмауга дәгъва белдерә. Шәрләрәмә авыл җирлегенә спорт мәйданчыгы сорап язучы да бар. Яшәгән йортларына ремонт мәсьәләсен хәл итүдә ярдәм сораган бер ханым.

Кабул итү пункты үзенең эшен үзәк базар каршындагы мәйданчыкта дәвам итә.