Сарман гимназиясендә сайлаучыларны бәйрәм белән каршы алдылар

"Сарман: иң яңа хәбәрләр", 17 март 2024 - 13:50

418

Сарман гимназиясендә бүген Май чабу бәйрәме дә гөрләде.

Биредә бүген сайлаучыларны кайнар коймаклар, тәмле самавыр чәе һәм күңелле уеннар белән каршы алдылар, бәйрәм мәйданчыгында сәүдә нокталары эшләде. Укытучылар һәм укучылар коллективы сайлаучыларга үзләренең матур җырларын да бүләк иттеләр. Балалар өчен кызыклы хәрәкәтле уеннар оештырылды.
Биредә урнашкан 2532 нче сайлау участогында сайлау кампаниясе дә беренче көннән үк зур оешканлык белән башланып киткән иде.

— Әлеге мөһим вакыйгага карата барлык әзерлек чараларын күрдек. Бүген 11.00 сәгатькә сайлаучыларның 81 проценты булачак Президент өчен тавыш бирделәр. Сайлаучыларны өч көндә дә кайнар чәй һәм тәм-том белән каршы алабыз, — диде комиссия рәисе Илдар Гәрәев.