Сайлау участокларында медицина хезмәткәрләре дә актив эшлиләр

Мәгариф бүлеге бинасында урнашкан 2531 сайлау участогында Сарман үзәк район хастаханәсе медфельдшеры Фәрид Хәбибуллин эшли. Аның хезмәт стажы 14 елны тәшкил итә. Шул еллар эчендә аңа берничә тапкыр сайлау кампанияләрендә дә катнашырга туры килгән. Ул килүче сайлаучыларның хәлләрен белешә, кирәк икән, кан басымнарын үлчи, дәвалау чарасын да күрә. Хезмәт арасында гаиләсе белән депутатлар өчен тавыш бирергә дә өлгерде.