Районның танылган спортчысы Дилүс Гомәров җыр бүләк итте

"Сарман: иң яңа хәбәрләр", 8 сентябрь 2024 - 09:46

255

Спорт өлкәсендә ярты гасырлык стажга ия районыбызның танылган йөгерешчесе Дилүс Гомәров моңлы җырлау сәләтенә дә ия.

Күпсанлы һәм төрле дәрәҗә җыр фестивальләре лауреаты, Гран при иясе район Башкарма комитетының мәгариф бүлеге бинасында урнашкан сайлау участогында тавыш бирде. Ул райондашларына матур җырын да бүләк итте.
- Кичә Россия Чемпионатыннан кайттым. 21,1 километр ераклыкка йөгереп, бишенче урынны алдым. Марафонда Башкортстаннан, Самара, Ульян өлкәләреннән, Удмуртия, Ырынбур якларыннан, республикабызның Казан, Түбән Кама, Яр Чаллы, Бөгелмә, Лениногорск һәм башка шәһәрләреннән дә йөгерешчеләр килгәннәр иде, - диде ул, спорт яңалыклары белән уртаклашып.