Көндезгә сайлаучыларның яртысыннан артыгы тавыш бирде

"Сарман: иң яңа хәбәрләр", 8 сентябрь 2024 - 13:32

227

Район үзәгендә кинотеатр бинасына урнашкан сайлау участогында да иртәдән үк эш гөрләде.

Биредә сайлаучыларны якты йөз белән каршы алдылар. Участоктан алынган мәгълүматлардан күренгәнчә, 13.00 сәгатькә 1348 сайлаучының 700дән артыгы тавыш бирергә өлгергән иде инде. Ә әти-әниләренә ияреп килгән балалар өчен биредә остаханәләр эшләде: аларны апалары рәсем ясарга һәм кул эшләренә өйрәттеләр.