Илназ сайлауларга махсус операциядән кайткан

Өчиле Саклау авылы егете Илназ Галиуллин бүгенге көндә хәрби килешү белән Украинада махсус операциядә катнаша. Моннан ярты ел элек ул кызы Самина туган вакытта өенә ялга кайткан иде. Без аның белән ул чакта күрешеп сөйләштек, гаиләсенең сөенечле мизгелләрен дә уртаклашырга насыйп булды. Илназ янә ялга кайткан, һәм бу юлы сайлауларда да катнаша.
- Илебез имин, көннәребез тыныч булсын. Барыбызның да максат бер – туган җиребезгә җиңү белән кайтырга язсын. Якты киләчәгебез өчен тавыш бирдек, - диде хәрби хәрәкәтләр ветераны.
Бүген сайлауларда Галиуллиннар гаилә белән катнаштылар.