Гыймаевлар сәхнәгә дә, сайлауга да гаилә белән чыгалар

"Сарман: иң яңа хәбәрләр", 17 март 2024 - 18:50

1291

Зур Нөркәй авыл җирлегендә яшәүче һәм өч бала тәрбияләүче Раушан һәм Альбина Гыймаевлар авылда үткәрелүче һәр чарада актив катнашалар.

Үзләре генә түгел, медицина көллиятендә укучы кызлары Розалина, мәктәпкә йөрүче Реналь белән Алия дә матур итеп җырлыйлар, бииләр, әти-әниләре үрнәгендә бик активлар. Гыймаевлар сайлауга да гаиләләре белән килгәннәр. Әниләре Әлфия Хәертдинова да авыл мәдәният йорты каршында эшләп килүче «Зөбәрҗәт» ансамбленә йөри. Сайлауга да балалары һәм оныклары белән килде ул. Раушанның энесе Раил дә алар белән бергә сайлады.