Әти-әниләре сайлый, балалары бәйрәм итә +ВИДЕО

"Сарман: иң яңа хәбәрләр", 16 март 2024 - 16:35

272

Балаларның киләчәге матур, имин булсын, дигән теләк белән сайлауларда катнашалар әти-әниләр.

Бүген, зурлар сәяси вакыйгада булганда, кечкенәләр «Гаилә көне» уздырдылар. Сарман урта мәктәбенең 2 б, 3 а сыйныф укучылары Үзәк ял паркында бергәләшеп уйнадылар, кызыклы ярышларда катнаштылар, әниләргә багышлап, җырлар башкардылар. Сыйныф җитәкчеләре Әлфинур Александрова белән Айгөл Шәйдуллина укучыларына бик күңелле бәйгеләр әзерләгәннәр иде. Нәтиҗәдә дуслык җиңде. Әйе, нәкъ менә дуслык булганда, дөньялар тыныч, күгебез аяз, көннәребез якты була.