22 июнь. Хәбәрләр: Республика хуҗалыкларында печән әзерләү дәвам итә. Татарстан авыл хуҗалыгы һәм азык-төлек министры Марат Әхмәтов 1 июльгә күпьеллык үләннәрнең беренче чабылышын тәмамлауны бурыч итеп куйды. Татарстан фермерлары Германиядә булды. Алар анда күркә үстерү предприятиеләре, терлек һәм кош-корт итен эшкәртү алымнары белән таныштылар. Татарстанда 25 июньнән 1 июльгә кадәр...
22 июнь. Хәбәрләр: Республика хуҗалыкларында печән әзерләү дәвам итә. Татарстан авыл хуҗалыгы һәм азык-төлек министры Марат Әхмәтов 1 июльгә күпьеллык үләннәрнең беренче чабылышын тәмамлауны бурыч итеп куйды.
Татарстан фермерлары Германиядә булды. Алар анда күркә үстерү предприятиеләре, терлек һәм кош-корт итен эшкәртү алымнары белән таныштылар.
Татарстанда 25 июньнән 1 июльгә кадәр мөселман яшьләренең фестивале уза. Аның максаты - мөселман яшьләрен берләштерү, алар арасында хезмәттәшлек урнаштыру.
1 июньнән елга-күлләрдә су коену сезоны башланды. Бу уңайдан бәхетсезлек очракларын кисәтү максатыннан, район башкарма комитетының, гадәттән тыш хәлләрне кисәтү, аларның нәтиҗәләрен бетерү һәм янгын сакчылыгын тәэмин итү комиссисенең махсус карары чыкты.
Иминият взносларын җыю айлыгы кысаларында Пенсия Фонды идарәсе белгечләре суд приставлары хезмәтенең район бүлеге белән берлектә рейдка чыктылар. Аларның максаты- әҗәтлеләрдән әҗәтләрен эзләп алу.
Россия Тикшерү комитеты Татарстан идарәсенең Азнакай районара тикшерү бүлеге җитәкчесе һәр атнаның пәнҗешәмбесендә "Росгосстрах" бинасында гражданнарны кабул итә.
21 июнь көнне Куҗак авылында яшәүче тыл һәм хезмәт ветераны Камилә апа Нуретдиновага 90 яшь тулды. Аны котларга район хакимияте башлыгы урынбасары Гөлфирә Саляхова килде. Ул Россия Президенты В.Путинның һәм район хакимите башлыгы Н.Закировның котлауларын ирештерде, район хакимиятенең истәлек бүләген тапшырды, иң изге теләкләрен юллады. Юбилярны шулай ук район халыкны социаль яклау идарсе консультанты Г.Салихова, аыл җирлеге башлыг Ә.Мияссарова да котладылар.
Иң мөһим һәм кызыклы язмаларны Татмедиа Telegram-каналында укыгыз
