Зур Нөркәй мәктәбендә "Кошлар – безнең дусларыбыз" дигән кичә үтте

5 апрельдә Зур Нөркәй урта мәктәбендә "Кошлар - безнең дусларыбыз" дигән кичә узды. Аны биология һәм химия укытучысы Сөмбел Хаҗиева оештырды. Ул укучыларга кошлар турында кызыклы мәгълүмат җиткерде. 5нче һәм 6нчы сыйныф укучылары арасында КВН уены булды, укучылар төрле сорауларга җавап бирделәр. 6нчы сыйныф укучылары белемнәренең югары дәрәҗәдә булуын курсәттеләр.

Мәктәптә шундый традиция яши: ел саен беренче сыйныф укучылары әтиләре белән берлектә сыерчык оялары ясыйлар. Быел да беренче сыйныф укучылары актив катнаштылар. Мәктәп директоры Ләйлә Шәйхеразиева, катнашкан балаларны котлап, бүләкләр тапшырды.