Зур Нөркәй мәктәбендә белем алучылар «Сүзлек көне»ндә үзләренең белемнәрен күрсәттеләр

"Сарман: иң яңа хәбәрләр", 15 ноябрь 2019 - 20:50

856

Ноябрь аенда «Сүзлек көне» билгеләп үтелә. 14 нче ноябрь көнне Татарстан Республикасы Сарман муниципаль районы "Зур Нөркәй урта гомуми белем бирү мәктәбе" муниципаль бюджет гомуми белем бирү учреждениесендә бу көнгә багышланган чара узды.

Бәйрәмнең төп максаты булып катнашучыларны сүзлек төрләре, аларның авторлары белән таныштыру торды. Бәйрәм барышында укучылар сүзлекләр тәкъдим иткән уеннарда катнаштылар, лингвистик мәсьәләләр чиштеләр, сүзлекләрне куллана белүләрен күрсәттеләр.