Әнвәр Залаковның эшләрен кызлары дәвам итәчәк

 Ул әтисе башлаган эшләрне дәвам итү теләген белдерде. Район тарихында якты эз калдырган Әнвәр Залаков соңгы елларда аның киләчәген кайгыртып, үсешенә зур өлеш кертеп яшәде. Татар Илеген булдыруда, фонтанлы парк ясауда, үзәк ял паркын төзекләндерүдә аның ярдәме гаять зур булды. Әле тагын да матур уйлары, тормышка ашырасы ниятләре бар иде аның. Әмма өлгерә алмый калды. Кызлары әтиләренең эшен дәвам итәргә исәплиләр. Бүген алар кинотеатр янындагы ял паркында, район үзәгендә салынучы өченче мәчеттә булдылар, район башлыгы Фәрит Хөснуллин белән киләчәккә планнары белән уртаклаштылар.