Югалмагыз, райондашлар!

Кайбер очракта югалган кеше берникадәр вакыттан соң исән-сау өенә әйләнеп кайта, икенче берәүләрнең гомерләре вакытсыз өзелгәнлеге билгеле була, өченче берәүләр хәбәрсез югалганнар исемлегенә кертелә. Соңгыларының елдан-ел арта баруы бөтен дөнья җәмәгатьчелегендә борчылу уята. Бу көн рәсми рәвештә 2010 елдан билгеләп үтелә. Әмма аның кирәклеге моннан ярты гасыр элек үк Хәбәрсез югалган кешеләрнең якыннарының Латин Америкасы федерациясе вәкилләре тарафыннан күтәрелә. 2006 елда, кешеләрне ирексез югалулардан саклау өчен, Берләшкән Милләтләр Оешмасының Халыкара конвенциясе кабул ителә. 2011 елда Ирексез рәвештә югалулар буенча комитет төзелә. 
Зөлфия Шәрипова язмасы