Җыр бәйгесендә җиңүче райондашыбыз Рөстәм Сабиров сәяхәттән кайтты

Райондашыбыз - Сарман егете Рөстәм Сабировның җырчылар Гүзәл Уразова белән Илдар Хәкимов оештырган җыр бәйгесендә җиңүе, Берләшкән Гарәп Әмирлекләренә ике кешелек путевка белән бүләкләнүе турында язган идек инде. Шушы көннәрдә Рөстәм белән тормыш иптәше Регина сәяхәттән кайттылар.

- Бик күңелле, югары дәрәҗәдә оештырылган ял булды. Бүгенге көнгә кадәр тәэсирләнеп яшибез. Бәйгене оештыручыларга, безне кунак иткән якташыбыз, милләттәшебез Исмәгыйль Шәнгәрәевкә, гаиләсенә, якыннарына зур рәхмәт. Күчтәнәчкә какланган каз, Сарман балы алып барган идек. Бик ошатып сыйландылар, - дип, уй-кичерешләре белән уртаклашты Рөстәм.