Язгы чакырылыш быел гадәти булмаган шартларда үтә

"Сарман: иң яңа хәбәрләр", 12 май 2020 - 13:57

1577

Бүген хәрби хезмәткә чакыру комиссиясенең беренче утырышы узды.

Аны комиссия рәисе урынбасары – хәрби комиссариат бүлеге начальнигы Дашгын Гасанов алып барды. Комиссия эшендә җиде булачак солдатның хәрби хезмәткә әзерлеге каралды. Алар барысы да Ватан каршындагы изге бурычларын үтәргә әзер.
- Мине ераккарак җибәрегез. Дөнья күрәсем килә, - диде Сарманнан Рамис.
Язгы чакырылыш буенча хезмәткә алу июнь урталарыннан башланыр дип көтелә. Бу чорда 35 райондашыбызның хәрби хезмәткә алынуы планлаштырыла.
- Армия хезмәтенә чакыру кәгазе килеп, әзерләнә башлаганда, үзегез белән битлек, перчаткалар алырга онытмагыз. Сәламәт булыгыз, - диде хәрби комиссар.
Альбина Сабирова язмасы һәм фотолары