Янурыска ял итәргә барыгыз

Җиңү көнен һәркем күтәренке рух белән каршы ала. Һава шартлары яхшы торганда, майның бу көннәрендәге ялларда санитар өмәләр, агач утырту акцияләре оештырыла, халык бакчасында да эшли. Хезмәт көненнән соң бераз арып китсәгез, Янурыска ял итәргә барыгыз. Анда үзара салым хисабына авыл мәдәният йорты территориясендә эскәмияләр урнаштырганнар. Күңел ачып, җыр-моң тыңлап, уен мәйданчыгында бала-чага белән кечкенә чакларыгызны искә төшереп кайтырсыз.