Янгын берәүне дә аямый. Сак булыгыз, райондашлар!

20 июльдә төнге сәгать 2:30да Кукмара районының Ядегәр авылында шәхси йортта янгын чыга. Аны сүндергәннән соң йорт урынында 6 кешенең мәете табыла, аларның икесе 2007 һәм 2009 нчы елгы балалар. Хәзер янгын чыгуның сәбәпләре ачыклана. Бәла-каза килмәсен өчен сак булуыгыз сорала. Көннәр суытты дип кабызылган электр җылыткычларын күзәтүчесез калдырмагыз, кулдан ясалганнарын кулланмагыз. Тәмәке тартучыларның да игътибарлы һәм сак булулары сорала.

Хәбәрне янгын күзәтчелеге бүлеге җитәкчесе Радик Госманов җиткерде.