Яңа Имән авыл җирлегендә үзара салым акчалары санитар икеайлыкка да хезмәт итә

Яңа Имән авыл җирлегенә караган Күтәмәле (шимбә көнне), Яңа Имән (якшәмбе), Буралы Чишмә (шулай ук шимбә) авылларында бер ай буе билгеләнгән вакытта махсус машина белән чүп җыю оештырыла. Бу эшкә Күтәмәледә яшәүче Наил Афзалов шәхси машинасы белән тотынды. Атна саен 4-5 машина чүп вакытлыча җыю урыннарына чыгарыла. Авыл җирлегендә яшәүче халык бу эштән бик канәгать. Атна буе чүпне капчыкларга җыеп баралар да, билгеле бер вакытта машинага чыгарып салалар. Вакытлыча чүп җыю урыннарында да, авылларда да чисталык һәм тәртип күзгә күренеп артты.

Яңа Имән авыл җирлеге башлыгы Илүс Вахитов.