Урман атнасында һәр сарманлы агач утырта ала

"Сарман: иң яңа хәбәрләр", 9 октябрь 2019 - 16:48

882

5-12 октябрьдә Татарстанда “Урман атнасы-2019” республика табигать саклау акциясе бара.

Ул “Бердәм Россия” сәяси партиясе инициативасы белән үткәрелә. Бу чарага партиянең район бүлекчәсе активистлары, яшьгвардиячеләр, волонтерлар, гомумән, район халкы кушылды. Узган атнада Сарманның “Старт” спорт мәктәбе территориясендә 200 төп каен һәм нарат утыртылды.
- Чарада Сарман гимназиясе, урта мәктәбе укучылары, яшьләр иҗтимагый оешмалары активистлары катнаштылар. Акция дәвам итә һәм анда теләгән һәркем катнаша ала. Моның өчен https://сохранимлес.рф сайтында Рәсәй регионнарында агач утырту урыннары картасын карарга һәм үзеңә якын урынны сайларга мөмкин, - диде Сарман авыл җирлеге башкарма комитеты җитәкчесе Николай Сахуриев.