"Укучының мәдәни көндәлеге" проектында җиңүчеләр арасында безнекеләр дә бар
Алар 1 июньдә башкалабызның «Әкият» Татар дәүләт курчак театрында үткәрелгән бүләкләү тантанасында катнаштылар.
Уку елы башында Татарстанда "Укучының мәдәни көндәлеге" мәдәни-белем бирү проекты старт алган иде. Безнең районның башлангыч сыйныф укучылары бу проектта актив катнаштылар. Ә җиңүчеләр Казан шәһәренә бүләкләү тантанасына чакырылдылар. Болар – Сарман гимназиясенең 1 “В” сыйныфы укучысы Хәлим Сабуров, 3 “Б” сыйныфы укучысы Һәдия Салихова, Сарман урта мәктәбенең 2 “А” сыйныфы укучысы Алсу Мәүләвиева, 4 “Б” сыйныфы укучысы Алия Мәрданшина.
Тантаналы чара программасына бик күп кызыклы чаралар - интерактив уен, китап күргәзмәсе, иң яхшы мәдәни көндәлекләрне күрсәтү кертелгән иде. Балалар бәйрәмнән бик канәгать калдылар.
Зөлфия Шәрипова язмасы, фото мәдәният бүлеге архивыннан
Следите за самым важным и интересным в Telegram-каналеТатмедиа
Нет комментариев