Укучылар Җәлилдә волейбол уйнадылар

"Сарман: иң яңа хәбәрләр", 6 апрель 2018 - 16:26

1322

5-6 апрель көннәрендә Җәлил бистәсендә волейбол буенча район беренчелеге узды. Анда 2000 елгы һәм аннан яшьрәк җиде кызлар, сигез егетләр командалары үзара көч сынаштылар.

Кызлар арасында Җәлил икенче номерлы урта мәктәбе командасы җиңү яулады. Аларның егетләре дә беренчелекне алдылар. Сарман урта мәктәбе кызлары икенче булдылар. Өченче урын Җәлил беренче номерлы урта мәктәбе кызлар командасына бирелде. Аграр көллият егетләре - икенче, Петровка Завод урта мәктәбенең егетләр командасы өченче урынны алдылар. Җиңүчеләргә – Кубок, барлык призлы урыннарны алучы уенчыларга медальләр, мактау грамоталары һәм акчалата бүләкләр тапшырылды.