"Әтием һөнәре". Сарманнан Марат Галиев

Сарманнан Вәгыйз Галиевнең әтисе Марат шофер булып эшли. Улы аңа багышлап шигырь дә язган.

"Минем әтием кечкенәдән үк бабам кебек шофер булырга теләгән. Бүгенге көндә ул олы юлларда йөри. Аның эше бик авыр һәм җаваплы булса да, әтием аны бик ярата. Минем дә үскәч әтием кебек шофер буласым килә.

Мин дә әтием шикелле
Шофер булырга уйлыйм.
Шуның өчен һәрвакыт
Машина белән уйныйм.
Тизрәк үсеп, шофер булсам,
Нишләргә белер идем.
Урамдагы бар баланы
Утыртып йөрер идем".