Тату гаиләләр арасында җиңелүчеләр юк!

Гаилә - ул җылы учак.

 Учак янына аның әгъзалары җыела. Гаилә никадәр нык булса, аннан килгән җылылык шулкадәр көчле була. Гаилә тормыш нигезе. Әти-әни аның тоткасы булса, балалар гаиләнең көзгесе. Әгәр тотка купмасын, көзге ватылмасын дисәң, бер-береңне санлап, рәнҗетмичә, хөрмәтләп яшәргә кирәк. Тату гаилә – ил терәге, бала өчен иң кирәге.Тату гаилә бердәм булса, бала бәхетле була. 12 апрель көнне үзәк китапханә хезмәткәрләре, опека һәм тәрбиячелек органы белән берлектә, “Сарман” кинотеатрында гаилә командалары арасында “Әти-әни, мин – тату гаилә” дип исемләнгән бәйрәм кичәсе үткәрделәр. Кичәдә Мөхәммәтҗановлар һәм Сөнгатуллиннар гаиләләре катнашты. Традиция буенча, иң элек командалар үзләре белән таныштырды. Иң тиз әти, иң төз әни, я булмаса иң тиз команда булып калу өчен кызу көрәш барды. Бу көнне ярышта катнашучыларга “паровоз”да ярышырга, хоккей уйнарга , әниләргә кадак кагарга , әтиләргә сәдәф тагарга, тотынышып та йөгерергә, “Сорау бирә нәниләр, ни диярләр әниләр”, “Сорау бирә әниләр, ни диярләр әтиләр” кебек уеннарда да катнашырга туры килде. Ярышларны җанатарлар бик кызыксынып күзәтте . Полина Кулаченкова, Рәзинә Гарифуллиналарның матур җырлары, Руфина Мөхәммәтҗанованың дәртле биюләре кичәне тагы да бизәде. Һәр ярышның да соңы була, ярышучыларның да җиңүчесе табыла. Ярышларга жюри әгъзалары нәтиҗә чыгарды. Ике команда да беренчелекне алып, дуслык җиңде. Җиңүчеләргә медальләр һәм истәлек бүләкләре тапшырылды.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 9 май 2021 - 14:59
    Вәзирә ханым бәйрәмдә әнисен искә алды
  • 9 май 2021 - 12:44
    Бөек Җиңүгә багышланган парадны район халкы горурланып карады
  • Сез чүп-чарны сортларга бүләсезме? .
    10 кеше тавыш бирде
  • Ретро машиналар парады ветераннарны сугышчан яшьлекләренә алып кайтты
  • Бөек Җиңүгә багышланган парадны район халкы горурланып карады
  • Сарман халкы Бөек Җиңү бәйрәмен бердәм булып каршы алды
  • Сарманда “Нәүрүз” гөрләде
  • Әзһәр аганың яңа китабы тәкъдир ителде
  • Мор өстендә картингчылар ярыша
  • Сарманда ярминкә гөрләде
  • Автомобиль йөртүче әбиләр һәм бабайлар ярыштылар
  • 9 май. Сарманда ветераннарны котлау
  • "Әниләр һәм бәбиләр” Сарман сәхнәсен гөрләтте