Татарстанның үткәне, бүгенгесе, киләчәгендә сарманлыларның да өлеше бар

Бүген муниципаль район Советының чираттагы утырышы узды. Аны район Советы рәисе - муниципаль район башлыгы Фәрит Хөснуллин алып барды. Утырыш эшендә ТР Дәүләт Советы депутатлары Марат Галеев, Геннадий Глушков катнаштылар.
Көн тәртибендә "ТАССРның 100 еллыгы: тарих һәм заман" соравы каралды. Әлеге мәсьәлә буенча район башлыгы Фәрит Хөснуллин чыгыш ясады. Район Башкарма комитеты җитәкчесенең социаль мәсьәләләр буенча урынбасары Индира Сәхипова өстәмә доклад белән чыкты. Марат Гадыевич белән Геннадий Николаевич та республиканың үткәне, хәзергесе һәм киләчәге турында сөйләделәр, район халкына рәхмәт әйтеп, уңышлар теләделәр.
Утырышта бүләкләүләр дә булды.

Альбина Сабирова язмасы, фотолары һәм видеолары