Татарстанда яшенле яңгыр һәм боз көтелә

Синоптиклар фаразлавынча, 20 майда көндез һәм кич республика территориясендә яшенле яңгыр явачак, җилнең тизлеге секундына 15-20 метрга кадәр җитәчәк. Аерым районнарда боз явуы да ихтимал, дип хәбәр итә «Татар-информ» МА.

Һава торышының начарлануы сәбәпле, Татарстан буенча Гадәттән тыш хәлләр министрлыгы (МЧС) халкыбызны аеруча игътибарлы булырга һәм куркынычсызлык кагыйдәләрен сакларга чакыра:

 * Урамда: реклама щитларыннан, биек агачлардан, юл билгеләреннән һәм электр линияләреннән еракрак торыгыз — алар көчле җилдә егылырга мөмкин.

 * Юлларда: машина йөртүчеләргә дә, җәяүлеләргә дә хәрәкәт иткәндә аеруча сак булырга кирәк.

 * Якынаегызны саклагыз: балаларны күзәтүчесез калдырмагыз, өлкән яшьтәге һәм авыру туганнарыгызга, күршеләрегезгә ярдәм итегез.

Гадәттән тыш хәлләр килеп чыккан очракта кичекмәстән 112 номерына шалтыратыгыз.

Фото: © «Татар-информ»