Татарстан синоптиклары +20 градуска кадәр җылы вәгъдә итә

Башланган атнада иң җылы һава торышы антициклон белән бәйле булачак, ул циклонны республика территориясеннән кысрыклаячак.

Татарстанда җомга, 4 октябрьдә, атнаның иң җылы көне булачак. Көндез һава 15-20 градуска кадәр җылыначак. Бу хакта Татарстан Гидрометеорология үзәге башлангыч фаразларыннан күренә.

Сишәмбе һәм чәршәмбе көннәрендә, 1 һәм 2 октябрьдә республика территориясендә һава торышын төньяк-көнбатыштан килгән киң циклонның (үзәге Балтыйк диңгезе өстендә урнашкан) алгы өлеше билгеләячәк.

Төбәк аша узган атмосфера фронтлары аркасында вакыт-вакыт яңгырлар явып алачак. Көньяктан исә торган җилнең тизлеге секундына 15-20 метр булачак. 1 һәм 2нче числода җил тизлеге көндез 17-22 метрга кадәр җитәргә мөмкин.

«Пәнҗешәмбе, 3 октябрь көнне, республикага антициклон йогынтысын таратачак», – дип билгеләп үтә Татарстан синоптиклары. Шунлыктан алга таба җылылык +13, +18 градуска кадәр булачак. Урыны белән генә бераз явым-төшемнәр булырга мөмкин.

 

5 октябрьдә, шимбә көнне үк, Татарстанга яңгырлы салкын фронт киләчәк, шуның аркасында һава температурасы 11-16 градуска кадәр төшәчәк.

«Татар-информ» элек хәбәр иткәнчә, профессор, география фәннәре докторы, КФУның метеорология, климатология һәм атмосфера экологиясе кафедрасы мөдире Юрий Переведенцев бу атнада Татарстанда көтелә торган аномаль җылы һава торышы турында сөйләде.

Фото: архив/Михаил Захаров

tatar-inform.tatar

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 9 май 2021 - 14:59
    Вәзирә ханым бәйрәмдә әнисен искә алды
  • 9 май 2021 - 12:44
    Бөек Җиңүгә багышланган парадны район халкы горурланып карады
  • Сез чүп-чарны сортларга бүләсезме? .
    10 кеше тавыш бирде
  • Ретро машиналар парады ветераннарны сугышчан яшьлекләренә алып кайтты
  • Бөек Җиңүгә багышланган парадны район халкы горурланып карады
  • Сарман халкы Бөек Җиңү бәйрәмен бердәм булып каршы алды
  • Сарманда “Нәүрүз” гөрләде
  • Әзһәр аганың яңа китабы тәкъдир ителде
  • Мор өстендә картингчылар ярыша
  • Сарманда ярминкә гөрләде
  • Автомобиль йөртүче әбиләр һәм бабайлар ярыштылар
  • 9 май. Сарманда ветераннарны котлау
  • "Әниләр һәм бәбиләр” Сарман сәхнәсен гөрләтте