Татарстан Республикасының Дәүләт гербы нәрсәне аңлата

Татарстан Республикасының Дәүләт гербы түгәрәк калкан рәвешендә.

Гербның уртасында — канатлы ак барс. Ул — республика гражданнарының, республика халкының яклаучысы ролендә. Барсның кызыл кояш җирлегендә сурәтләнүе — игелеклелек, уңыш, бәхет, тормыш билгесе. Барсның сул ягындагы түгәрәк калкан республикабыз гражданнарының хокукый, икътисади яктан һәм көч кулланудан якланганлыгын күрсәтә. Сигез таҗ яфраклы ак кашкарый чәчәге — мәңгелек тормыш чыганагы, озын гомерлелек символы. Барсның алгы уң аягының бераз күтәрелгән булуы — югары хакимиятнең олылыгын күрсәтүче геральдик билге. Ул хәрәкәтне, эшне «уң аяктан» башлауны, Татарстанның яңарыш юлыннан уңышлы баруын аңлата. 
Барсның үткен теш-тырнаклары аның яклау һәм саклау сәләтен күрсәтә. Барс канатларының җиде каурые аның җирдә дә, күктә дә яклый алу мөмкинлеген символлаштыра. Үсемлек орнаменты һәм лалә чәчәге табигатьнең уянуын һәм Татарстанның яңаруын символлаштыра. Өч алтын боҗра бердәмлек, чиксезлек, иң югары камиллек идеясен чагылдыра. Алтын төсе Татарстан җиренең бай булуын күрсәтә. Шул рәвешле, Татарстан гербы игелек, гаделлек, гражданнар иминлеге, халыклар дуслыгы, тынычлык һәм алгарыш кебек әхлакый кыйммәтләрне раслый.

Татарстан Республикасы Дәүләт гербының авторы — рәссам Риф Фәхретдинов.
 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 20 сентябрь 2021 - 11:52
    Сарманда ярминкә гөрләде
  • 6 сентябрь 2021 - 14:52
    Яңа Саклауда һәйкәл ачтылар
  • Көзге депрессия белән ничек көрәшәсез?
    6 кеше тавыш бирде
  • Сарманлылар нефтьчеләрнең иҗтимагый советы эшендә катнаштылар
  • Сарманда ярминкә гөрли
  • Сарманлылар Гаилә көнен бәйрәм иттеләр
  • Сарман районы Урта Әләзән Сабан туенда Татарстанны тәкъдир итте
  • Ретро машиналар парады ветераннарны сугышчан яшьлекләренә алып кайтты
  • Бөек Җиңүгә багышланган парадны район халкы горурланып карады
  • Сарман халкы Бөек Җиңү бәйрәмен бердәм булып каршы алды
  • Сарманда “Нәүрүз” гөрләде
  • Әзһәр аганың яңа китабы тәкъдир ителде
  • Мор өстендә картингчылар ярыша