Татар Илегендә кыш көне дә сандугач сайрый

Сарманның яңа паркын райондашлар, кайткан кунаклар тиз арада үз иттеләр. Монда күңел дә, тән дә ял итә. Җәен, язын, көзләрен генә түгел, ап-ак карлар явып торганда, биредә бигрәк тә ямьле. Бизәлгән чыршы, җем-җем итүче түгәрәк яктырткычлар, төрле төсләргә кереп, янып, сихрилек өстәүче бизәкле паннолар арасында йөргәндә, үзеңне әкият дөньясында хис итәсең. Салкын, дип тормаган, паркта моңлы сандугач та оя корган. Янәшәсендә, мул тормышыбызны искәртеп, арыш та шаулап үсә.